www.armiarma.com
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jesu Kristoren lau ebanjelioak batera alkarturik
Pedro Antonio Aņibarro
c. 1804-1821, 1991

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Jesu Christoren lau evangelioac batera alcarturic, Pedro Antonio Añibarro (M. Pilar Ciarrustaren edizioa). Labayru / BBK, 1991.

 

 

aurrekoa hurrengoa

31. IRAKURTZA

 

Jesusek irurogeta amabi diszipuluak izentatu zituan.

 

San Lukasek cap. 10. v. 1-12

 

        Eta onen ondoan Jaunak izentatu zituan beste irurogeta amabi, ta biñaka bere aurrean biraldu zituan, bera joango zan Erri, ta leku bakotxera.

        Eta zirautsen: Lana egiaz andia da, baña beargillak urri.

        Erregutu egiozue bada lanaren Jaunari, langillak bere lanera biraldu daizala.

        Zoaze: Orra non nik biralduten zaituedazan ardiak legez otsoen erdira.

        Ez eroazue bolsarik, ez bide-zorrorik, ez oñetakorik, agurrik bere bidean iñori ez eiozue.

        Sartuten zaren edozein etxetan, esan lenen: Pakea izan bedi etxe onetan.

        Eta baldin bada an bakearen semerik, bere ganean zuen bakea geldituko da: ta bestela zeuroetara biurtuko da.

        Eta etxean bertan gelditu zaiteze, jaten, ta edaten eurak daukena: bada beargillea bear-sariaren duin da.

        Etxe baterik bestera igaro etzaiteze.

        Eta sartuten zareen edozein Erritan, baldin artuten bazaitue, aurrean ifinten deutsuena jan egizue:

        Eta osatu egizuez bertan dagozan gaixoak, ta esan eurai: Jangoikoaren Erreinua zuetara eldu da.

        Baña sartuten zaren Errian artuten ezpazaitue, urten bere plazetara, ta esazue:

        Zuen Errian eransi jakun autsa giño astinduten dogu zuen kontra: baña bada jakin egizue, Jangoikoaren Erreinua eldu dala.

        Dirautsuet, arako egunean a Erria baño Sodoma gogortade gitxiagoaz tratauko dala.

 

aurrekoa hurrengoa