www.armiarma.com
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jesu Kristoren lau ebanjelioak batera alkarturik
Pedro Antonio Aņibarro
c. 1804-1821, 1991

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Jesu Christoren lau evangelioac batera alcarturic, Pedro Antonio Añibarro (M. Pilar Ciarrustaren edizioa). Labayru / BBK, 1991.

 

 

aurrekoa hurrengoa

2. IRAKURTZA

 

Jesusek erakusten dau, ze gitxi salbetan dirian,
ta ze estua dan Zeru-bidea.

 

San Lukasek cap. 13. v. 22-30.

 

        Eta joian Uri, ta Erri guztietan irakasten, ta jarraituten Jerusalengo bidea.

        Eta gizon batek esan eutsan: Jauna, gitxi al dira salbetan dirianak? Eta berak eurai esan eutsen:

        Dendatu zaiteze ate bedarretik sartzeko: bada dirautsuet, askok sartu gurako dabela, ta ezingo dabela.

        Eta etxeko Nagusia sartu ezkero; ta atea itxiten dabenean, ta zuek oles ate-joka asten zarenean, diñozuela: Jauna, idigi eiguzu: ta berak eranzungo deutsue, diñoala: eztakit nongoak zarean zuek:

        Orduan asiko zaree esaten: Zure aurrean jan genduan, ta edan genduan, ta gure plazeetan irakasi zenduan.

        Eta esango deutsue: Eztakit nongoak zarean zuek: zoaze niganik gaistakeria egiten zenduenok.

        An izango da negarra, ta agin karraskada: dakutsuezanean Abran, ta Isak, ta Jakob, ta Profeta guztiak Jangoikoaren Erreinuan, zuek barriz kanpora botaten zaituezala.

        Eta etorriko dira Eguzkiaren-Sortaldetik, ta Sartaldetik, ta Egerdi-aldetik, ta Iper-aldetik, ta maian jarriko dira Jangoikoaren Erreinuan.

        Eta aramen non azkenekoak diran lenengoak izango dirianak, ta lenengoak dira, azkenekoak izango dirianak.

 

aurrekoa hurrengoa