www.armiarma.com
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jarritako bertsoak
Pello Errota
1879-1919, 1963

      [liburua osorik RTF formatuan]
      [inprimitzeko bertsioa PDFn]

 

Iturria: Jarritako bertsoak, Pello Errota (Antonio Zavalaren edizioa). Auspoa, 1963

 

 

aurrekoa hurrengoa

IV. BERTSO BERRIAK

 

........................

........................

........................

........................

........................

au ......-en jaiua da ta

gañera bentan aziya,

kanta oietan agertuko det

egin diran maleziya.

 

Emezortzi urte daduzka orrek,

oraindik dama gaztia,

orrelakuak gutxi obiak,

asko komeni eztia,

gertatu zaio neskatxa orri

nobiyo orrek uztia,

orain kontentuz ote zerade?

aizazu, dama gaztia.

 

Apirillaren amaseyian

ori Santa Engraziyan

mutil askori keñuka egon zan

meza denbora guziyan,

obra onari burla egiñaz

oso modu itxusiyan,

orrelakua nola egongo zan

Jaungoikuaren graziyan?

 

Lagun on batek enkargatuta

artu det erreparua,

azari zar bat badabillela

anka-biko agurua,

neskatxa orri kontu egiteko

ez banitzaden erua,

egiña dago lenguak baño

gauza aldrebesagua.

 

Kuidado gabe zebiltzan oiek

alkarren berri jakinda,

............ ori lenagotikan

zegon oyian etzinda,

arakiña da bere ofiziyoz

azari ori Joakin da,

leio-zulotik zelatan negon

odol danak irakinda.

 

Lenago ere egin zituen

modu ortako pausuak,

bertan gelditu bear zuala

mutil maleziosuak,

..........-rekin lo egiteko

otsegin zion atsuak,

su eman eta erre biar du

orrelako gurasuak.

 

Juan zanian itzegiñ zion:

«Emen al zaude, maitia?»,

argiya eskuan zeukalarikan

miatu zuan oi-pia,

ustez seguru jarri zanian

gero itxi du atia,

jakiña dago nora izango zan

aren urrengo kolpia.

 

Pasadizua deklaratuaz

banua arrazoyian,

nere gorputza estu zeguan

zelatako garayian,

odol guztiak irakiñ eta

barrena lertu nayian,

otsegiñ nien: «Ederki zaute

dama-galaiak oyian!».

 

aurrekoa hurrengoa